أولادك هم كل حياتك واستثماراتك للمستقبل خلي بالك منهم جدًا وخلي بالك بيشوفوا ايه وبيتابعوا ايه.
اليوتيوب مش مكان آمن للأطفال متكسلش وتدي ابنك أو بنتك التابليت أو التليفون وتقوله خد اليوتيوب شورتس اتفرج علشان أنت زهقت من زنه أو قرفه وعاوز تفصل, لأن وعيه بيتكون في الوقت ده وبيشوف حاجات كتير تافهة وما أكثر التفاهة.
وفجاة هتلاقيه بيطبق دة عملي وأنت تستغرب جاب كل دة منين ...
- تلاقيه يدخل الحمام يفضي الشامبو والكريم
- تلاقيه يجيب مرهم أو دوا ويحطه في شعره
- ممكن يجيب أكل في التلاجة ويلغبطه على بعضه
كل ده شافه منين ؟ من اليوتيوب والفيس بوك وفيديوهات الشورت.
عاوز أقولك إني شوفت قناة لبنت صغيرة في مرة معيشه أهلها في الإمارات في فيلا من التفاهة اللي بتقدمها, وأعوذ بالله بشوف اللي هي بتعمله وطريقتها بيجيلي مغص والله واكتشفت أن ناس كتير من أصحابي أطفالهم متابعينها وبيحبوها.
بعض الشورت فيديوز مليانة مش بس تفاهة لأ , وحاجات مقرفة والطفل بيحب يعرف حاجات جديدة مش هيعرف يفرق دة غلط ولا صح.
وأنت مطحون في دوامة الحياه علشان توفرله حياه كويسة, حاول تديله شوية وقت تتابع بيشوف ايه أو ابعده عن الحاجات دي خلاص وريح بالك وحاول تديله حاجة تفيده يعملها
لو مصمم على التابليت والتليفون يبقى نزله برامج تنفع للأطفال أو حاجة تنمي ذكائه ولو مُصمم على الفيديوهات شوف Youtube Kids وبرضة تراقب الفيديوهات بنفسك.
أطفالك هم كل حياتك , وهما اللي أنت هتسيبهم للدنيا من بعدك إما يصلحوا أو يخربوا خلي بالك منهم علشان المستقبل يبقى أحسن.
#نصائح_الزيرو
منقول من أسامة الزيرو
اليوتيوب مش مكان آمن للأطفال متكسلش وتدي ابنك أو بنتك التابليت أو التليفون وتقوله خد اليوتيوب شورتس اتفرج علشان أنت زهقت من زنه أو قرفه وعاوز تفصل, لأن وعيه بيتكون في الوقت ده وبيشوف حاجات كتير تافهة وما أكثر التفاهة.
وفجاة هتلاقيه بيطبق دة عملي وأنت تستغرب جاب كل دة منين ...
- تلاقيه يدخل الحمام يفضي الشامبو والكريم
- تلاقيه يجيب مرهم أو دوا ويحطه في شعره
- ممكن يجيب أكل في التلاجة ويلغبطه على بعضه
كل ده شافه منين ؟ من اليوتيوب والفيس بوك وفيديوهات الشورت.
عاوز أقولك إني شوفت قناة لبنت صغيرة في مرة معيشه أهلها في الإمارات في فيلا من التفاهة اللي بتقدمها, وأعوذ بالله بشوف اللي هي بتعمله وطريقتها بيجيلي مغص والله واكتشفت أن ناس كتير من أصحابي أطفالهم متابعينها وبيحبوها.
بعض الشورت فيديوز مليانة مش بس تفاهة لأ , وحاجات مقرفة والطفل بيحب يعرف حاجات جديدة مش هيعرف يفرق دة غلط ولا صح.
وأنت مطحون في دوامة الحياه علشان توفرله حياه كويسة, حاول تديله شوية وقت تتابع بيشوف ايه أو ابعده عن الحاجات دي خلاص وريح بالك وحاول تديله حاجة تفيده يعملها
لو مصمم على التابليت والتليفون يبقى نزله برامج تنفع للأطفال أو حاجة تنمي ذكائه ولو مُصمم على الفيديوهات شوف Youtube Kids وبرضة تراقب الفيديوهات بنفسك.
أطفالك هم كل حياتك , وهما اللي أنت هتسيبهم للدنيا من بعدك إما يصلحوا أو يخربوا خلي بالك منهم علشان المستقبل يبقى أحسن.
#نصائح_الزيرو
منقول من أسامة الزيرو
التعديل الأخير بواسطة المشرف:
