ما هو الـ encoding :ببساطة هي عملية تحويل الداتا نفسها من شكل لآخر فقط ، والاشكال الأخرى يمكن اعتبارها ك لُغات أخرى، مثلًا الكلام اللي بنكتبه على الكيبورد نفسه يتم تحويله لـ لغة بقدر يفهمها الحاسوب وتُسمى بالباينري وتحتمل قيمتين هم 0 1 فهيك هو ما زال نفس الكلام بنفس المعنى لكن فقط تمت ترجمته او تحويله ل لغة اخر بفهمها الحاسوب حتى يقدر يتعامل معها ويعالجها ويخزنها وووو …
تبسيط للفكره …انا بحكي عربي و انجليزي
وبدي اتواصل مع وحده اجنبية واسألها عن حالها واتواصل معها لكن المشكله انه لو اتكلم معها عربي ما رح تفهم علي اطلاقًا كونها لغة غريبه عليها ، ف بالحالة السابقة الحل ببساطة هو اني بضطر احوّل جملة " كيف حالك " اللي رح احكيها الها من لغتي العربية
لـ لغتها الأجنبية بالشكل التالي " How are you " …بالبساطة هاي ف أنا بس ترجمت كلامي من لغة لـ لغة لكن ما زال نفس المعنى ولا تغير عليه شيء حتى تقدر تفهم علي ، يعني ببساطة تخيلوه نفس مبدأ المُترجم.
الان نجي للجزء العملي المنطقي :
نبدأ ببعض أنواع ال encoding( ASCII , Base64 , HTML , HEX , URL )
وتعالوا نتفق على مسمّيات وهي انه عملية تحويل الداتا من شكل ل شكل هون بسميها encoding وعملية ترجيعها للأصل اللي هي عكس الـ encoding بسميها decoding اذا هي عملية يمكن عكسها بسهولة فبنحكي عنها انها reversible.
وكمان فيه ادوات ومنها اونلاين من صديقنا Google بنقدر نجرب نعمل encoding من خلاهم ممكن تعمل بحث بسيط على Google تكتب الآتي " online encoder " ورح يطلع لك وفرة من المواقع ومش بصدد اخص بالذكر اي موقع منهم.مثال سريع:
كلمة " encoding example " بدي اعملّها encoding باستخدام الـ base64 والـ URL
Base64 encoding–>
RW5jb2RpbmcgZXhhbXBsZS4=
URL encoding–>
encoding%20example
وهذا كان مجرد تعريف عام وبسيط لمفهوم الـ encoding حتى يتكون عندكم تصور عن ماهيته.
التعديل الأخير:
