بسم الله الرحمن الرحيم
السلام عليكم ورحمة الله وبركاته
السلام عليكم ورحمة الله وبركاته
هل سبق وأن سمعتم عن مراحل أو مستويات الصلاة ؟
الإمام الغزالي ذكر للصلاة سبعة مراحل إما تكون مررت بها أو تمر بها أو ستمر بها في المستقبل
وأنتَ تقرأ سوف تجد نف بإحدى المراحل وتبلش تبذل جهدك لتعدي المرحلة يلي انتَ فيها وتنتقل للي بعدها
وهي أصعب المراحل فيها بتحس أنو الصلاة ثقيلة وبرضو بتحاول تلاقي لحالك أسباب لحتى تأجل الصلاة أو ما تصليها من الأساس؛ مثل أنو تأجل صلاة الظهر لأنه برا البيت وبس ترجع يكون العصر أذن وتحكي خلص راحت الظهر واليوم ضاع من بكره ببلش .
رح تلاقي حالك بتجاهد نفسك فبتنجح يوم وبتفشل يوم .. بتلتزم أسبوع وبتضيع أسبوع .. وهكذا .
وهالمرحلة انتقالية بتبدأ هون تلتزم بصلاتك وبكون عندك رضا مبدأي عن نفسك وكمان بتبلش تلوم الناس يلي ما بصلو وبتصير تحب تصلي قدام الناس وكأنك بتبرأ نفسك من تهمة ترك الصلاه .
هون بالذات بهاي المرحلة لازم تحذر من الشيطان لأنه رح يدخلك من باب انك شخص منافق وبتصلي مشان الناس والصلاة لحتى تقبل ولازم تكون مؤمن ومخلص فيها لله وحده، وهون رح يضل يزيدها عليك كل يوم أكثر وأكثر لحتى تحسها صارت ثقيلة وانتَ مش قد الحمل .
هون خلص بتكون تخلصت من فكرة المراءاة وبلشت تحس انو الصلاة فرض ومسؤولية عليك لازم تأديها حتى لو كانت دون تركيز وخشوع وكله لحتى ما يوصلك ويل المصلين الغافلين عن الصلاة .
وهون برضه الشيطان ما رح يتركك بحالك رح يضل يوسوس براسك هيه هاي صلاة ؟ انتَ هيك شايف انو رح تقبل صلاتك ؟ وهون بالذات احرص أن تكون شديد الحذر وصلِّ طالما أركان الصلاة صحيحة وخلي قبولها من عدمه على الله .
هون خلص الصلاة صارت عادة ومش ممكن تقدر تمشي يومك دون ما تصلي ال 5 فروض وبصير ترتيب يومك كله مبني على الصلاة مثلا بطلع بعد صلاة العصر .. انا توضيت قبل ما اطلع أو لأ .. خلي المنبة قبل ما تطلع الشمس مش قبل دوامي بساعة .
هون بتغير مفهومك من إنو الصلاة فريضة وواجب علي أعملها مشان ربنا إلى إنه الصلاة فريضة وواجب علي أعملها مشان حالي ولأنه انا المحتاج للصلاة فبتصير كل ما تقع في مشكلة أو يصير معك أي حاجه أو تحتاج لشكر الله على النعم تسارع للصلاة والدعاء فيها وطلب العون والتيسير والشكر والحمد لله .
هون بتصير تصلي الفروض والنوافل وبتحاول ما تضيع أي فرصة فيها سجدة لله ، بتصير تحب تصليها في جماعة أو بشكل منفرد .. جهرًا أو سرًا .. بتصير تحب الصلاة وترتاح فيها شو ما كانت بتصير مدرك لأنك في حضرة الخالق وفي رعايته وكنفه .
وهاي المرحلة الأجمل والأعظم وبصير كل تفكيرك إنه من فقد الله ماذا وجد ؟ ومن وجد الله ماذا فقد ؟ كل أولوياتك في الحياة بتتغير .. تصرفاتك بتتغير .. أخلاقك بتتغير .. بتصير تنتبه لكل صغيرة وكبيرة بتعملها وهون ربنا بكرمك بالحكمة والرحمة والمغفرة وبتكون في أعلى المراتب بأذن الله .
واخيرًا ربنا اجعلنا من مقيمي الصلاة وارزقنا بها الراحة والطمأنينه شعور .
والسلام عليكم ورحمة الله وبركاته
التعديل الأخير بواسطة المشرف:
