الصراحة من خمس سنين ، عمري ما كنت اتخيل اني اكتب بوست زي ده ...
الكلية دي من صغري بسمع عنها ، عمرها ما كانت بالنسبالي حلم ، بس دايما كانت بتلفت نظري ، ليه دايما لما كنت بتعامل مع حد او اتناقش معاه الاقي تفكيره مختلف يطلع كلية هندسة !.
ليه دايماً بتوع هندسة وانت بتتعامل معاه بتعرفه ، ايا يكن سبب ملاحظتك انه من هندسة ..
مع دخولي الكلية كان السؤال ده شغلني ليه الناس دي مختلفة ؟!
مع دخول الكلية بدات اشوف الصورة النمطية في اعدادي هندسة ، مسطرة T و شنطة و الضهر اللي بيبدا يتاتب مع كل اسبوع و تبدا تلاقي عدد النظارات بيزيد ، بيبدا يتولد عندك حاله دفاعية انا مستحيل اكون كده .
يبتدي الوقت يعدي و الضغط يزيد و تستلم لقدرك ان لازم يتم اعادة تشكيلك عشان تعرف تكمل ، هتبدا تنسحب من الحالة الدفاعية اللي انت فيها و هيبقا كل اللي شغلك انا لازم اخرج من هنا علي الاقل بصحة بدانية مش لازم نفسية ...
موجة ضغط نفسي كفيلة تنهي اي حياة اجتماعية.
ده غيرها من الدروس الاجتماعية او الحياتية بس بتتعلمها بشكل غير مباشر ، مش كل مجهود لازم يكون ليه نتيجة مناسبة بالنسبالك و ان الحياة مش مثالية و مش هتمشي زي الرياضة اللي بتدرسها ١+١ = ٢ .
علي سبيل المثال ، مشروع تحفة و شغال عليه من شهور ، ممكن يترفض لمجرد طريقة شرحك مكنتش مناسبة مع الشخص اللي بيقيم ..
امتحان بتذاكرله من شهور متجبش الدرجة اللي تستحقها لمجرد مش بطريقة الدكتور ..
معتش فيه علاقة مباشرة زي زمان ( تذاكر اكتر ،تجيب درجات اكتر ). درجاتك ملهاش اي علاقة بمذاكرتك ، لدرجة انك ممكن تكون خارج من امتحان حال سؤال او اتنين (اقل من ربع الورقة ) و تلاقيك جايب تقدير ، بعد ما تكون عيشت استريس و ضغط تلات ساعات متوصلين مش عارف تكتب حاجة ، و استريس ليوم النتيجة لغايت ما تكتشف ان الدكتور ملزم بنسبة نجاح معينة ..
ده جزء بيخرجك من كلية عارف معني التوكل ، معني انك لا تملك لنفسك شئ مهما بلغت من الاجتهاد و السعي و ان الحياة مش زي الرياضة و ان في عوامل قدارية ليس ليك فيها شئ.
اما جزء المجتمع الهندسي كافراد مختلف تماما و يكاد يكون هي اكبر ميزة في الكلية ، علي سبيل المثال انت ممكن بتتعامل مع شخص يبدو في ظاهرة ان شخص ده فاشل بكل المقاييس التعليمية يدوب بينجح ، و فجأة تكتشف ان الشخص ده عبقري و شغال علي مشاريع و شغال اونلاين و عايش حياة انت لا تعلم عنها شئ و مش بعيد يكون عنده برائة اختراع
..
زائد ان الكلية بتفرض عليك مجتمع فعلا مميز ، صعب تلاقي فيها الشخصيات المرفوضة اجتماعيا ، الكلية دي عاملة زي الغربال ، الشخصية دي اما هتلاقيها اتصفت مع اول سناتين كلية او حتي لو موجوده مش هيبقا ظاهره بسبب عدم تقبل دايرة الكلية ليه ..
بتبدا تتعرف علي ناس قمة في الذكاء و التواضع و منها دكاترة كتير و ناس قمة في الاجتهاد و السعي و ناس غيرهم قمة في التدين و الادب...
كفيلة تساعدك تبني شخصية مثقفة و قوية .
الكلية دي مقدرش اوفي حقها في بوست الصراحة ، بغض النظر عن مدي البهدلة او المساوئ اللي واحد شافها فيها ، بس بيطلع منها شخص مختلف ، حتي لو متعرفش عنها غير انك ازاي تعدي من الامتحانات ، شخص بتعرف تفكر ، ميفرقش معاه ديدلاين لانه هيتصرف ، شخص تفكيره بره الصندوق ، شخص مُفكر ...
عشان كده متستغربش لو لقيت المهندس ساب الهندسة و اشتغل بزنس او مشاريع او اي مجال تاني ، لانك مش بتتعلم الهندسة ، انت بتتعلم ازاي تفكر .
#منقول
الكلية دي من صغري بسمع عنها ، عمرها ما كانت بالنسبالي حلم ، بس دايما كانت بتلفت نظري ، ليه دايما لما كنت بتعامل مع حد او اتناقش معاه الاقي تفكيره مختلف يطلع كلية هندسة !.
ليه دايماً بتوع هندسة وانت بتتعامل معاه بتعرفه ، ايا يكن سبب ملاحظتك انه من هندسة ..
مع دخولي الكلية كان السؤال ده شغلني ليه الناس دي مختلفة ؟!
مع دخول الكلية بدات اشوف الصورة النمطية في اعدادي هندسة ، مسطرة T و شنطة و الضهر اللي بيبدا يتاتب مع كل اسبوع و تبدا تلاقي عدد النظارات بيزيد ، بيبدا يتولد عندك حاله دفاعية انا مستحيل اكون كده .
يبتدي الوقت يعدي و الضغط يزيد و تستلم لقدرك ان لازم يتم اعادة تشكيلك عشان تعرف تكمل ، هتبدا تنسحب من الحالة الدفاعية اللي انت فيها و هيبقا كل اللي شغلك انا لازم اخرج من هنا علي الاقل بصحة بدانية مش لازم نفسية ...
موجة ضغط نفسي كفيلة تنهي اي حياة اجتماعية.
ده غيرها من الدروس الاجتماعية او الحياتية بس بتتعلمها بشكل غير مباشر ، مش كل مجهود لازم يكون ليه نتيجة مناسبة بالنسبالك و ان الحياة مش مثالية و مش هتمشي زي الرياضة اللي بتدرسها ١+١ = ٢ .
علي سبيل المثال ، مشروع تحفة و شغال عليه من شهور ، ممكن يترفض لمجرد طريقة شرحك مكنتش مناسبة مع الشخص اللي بيقيم ..
امتحان بتذاكرله من شهور متجبش الدرجة اللي تستحقها لمجرد مش بطريقة الدكتور ..
معتش فيه علاقة مباشرة زي زمان ( تذاكر اكتر ،تجيب درجات اكتر ). درجاتك ملهاش اي علاقة بمذاكرتك ، لدرجة انك ممكن تكون خارج من امتحان حال سؤال او اتنين (اقل من ربع الورقة ) و تلاقيك جايب تقدير ، بعد ما تكون عيشت استريس و ضغط تلات ساعات متوصلين مش عارف تكتب حاجة ، و استريس ليوم النتيجة لغايت ما تكتشف ان الدكتور ملزم بنسبة نجاح معينة ..
ده جزء بيخرجك من كلية عارف معني التوكل ، معني انك لا تملك لنفسك شئ مهما بلغت من الاجتهاد و السعي و ان الحياة مش زي الرياضة و ان في عوامل قدارية ليس ليك فيها شئ.
اما جزء المجتمع الهندسي كافراد مختلف تماما و يكاد يكون هي اكبر ميزة في الكلية ، علي سبيل المثال انت ممكن بتتعامل مع شخص يبدو في ظاهرة ان شخص ده فاشل بكل المقاييس التعليمية يدوب بينجح ، و فجأة تكتشف ان الشخص ده عبقري و شغال علي مشاريع و شغال اونلاين و عايش حياة انت لا تعلم عنها شئ و مش بعيد يكون عنده برائة اختراع
..زائد ان الكلية بتفرض عليك مجتمع فعلا مميز ، صعب تلاقي فيها الشخصيات المرفوضة اجتماعيا ، الكلية دي عاملة زي الغربال ، الشخصية دي اما هتلاقيها اتصفت مع اول سناتين كلية او حتي لو موجوده مش هيبقا ظاهره بسبب عدم تقبل دايرة الكلية ليه ..
بتبدا تتعرف علي ناس قمة في الذكاء و التواضع و منها دكاترة كتير و ناس قمة في الاجتهاد و السعي و ناس غيرهم قمة في التدين و الادب...
كفيلة تساعدك تبني شخصية مثقفة و قوية .
الكلية دي مقدرش اوفي حقها في بوست الصراحة ، بغض النظر عن مدي البهدلة او المساوئ اللي واحد شافها فيها ، بس بيطلع منها شخص مختلف ، حتي لو متعرفش عنها غير انك ازاي تعدي من الامتحانات ، شخص بتعرف تفكر ، ميفرقش معاه ديدلاين لانه هيتصرف ، شخص تفكيره بره الصندوق ، شخص مُفكر ...
عشان كده متستغربش لو لقيت المهندس ساب الهندسة و اشتغل بزنس او مشاريع او اي مجال تاني ، لانك مش بتتعلم الهندسة ، انت بتتعلم ازاي تفكر .
#منقول
