بسم الله الرحمن الرحيم
يمكن من أكثر الشاشات المشهورة بالعالم هي شاشة تسجيل الدخول (log in); ومع ذلك تعد من أسهل الشاشات وأصعبها بنفس الوقت
كيف هيك ؟ يلا نبلش...
شاشة log in : شاشة تسجيل الدخول غالبًا بتتكون من حقل لكتابة اسم المستخدم ( user name ) وحقل لكلمة السر ( password ) بنقدر نحكي هذا الشكل الأساسي إلها وطبعًا يمكن تحتوي على بعض الإضافات رح نتعرف عليها طبعًا .
حقل (Field) : متغير بشير لكائن (class) وتستخدم الحقول لتمثيل خصائص الكائن وتخزين قيمها .
يمكن تتعرف أكثر على class إذا كنت ترغب بذلك عن طريقة مقالة مختصرة مفيدة : البرمجة الكائنية (oop) , بس بشكل مختصر يمكن تعتبر class زي مجموعة من الصفات مثل السرعة والقوة وغيرها بتكون بشخص واحد ، إذا ما فهمت علي بتقدر تراجع المقال الي فوق رح يفيدك
طيب وين الصعوبة ؟
الصعوبة تكمن في طرق الحماية مشان ما تتعرض لهجمات زي brute force و sql injection وكثير هجمات غيرها ...
طب هل رح نتعلم نحميها ؟
من الصعب حاليًا أعلمك كيف تحمي برنامج وأنت لسا في البديات فيمكن يكون لما نتمكن شوي ونقدر نسوي تطبيقنا فبنقدر بعديها نحميه
طيب وهيك خلصنا نظري يلا نبلش عملي 
خطوات عمل شاشة log in:
1- بداية بدنا ننشئ مشروع زي ما تعلمنا سابقَا
2- بدنا نفتح Toolbox
في حال كانت لا تظهر رح أنزل مقالة توضح ذلك قريبًا مع شرح لمفاهيم كثيرة.
3- بنبحث عن TextBox
4- بنسحبه وبنضيفه على form
وبظهر بهذا الشكل
6- الآن بدنا نعدل اسم TextBox حتى لما نستدعيه نكون عارفين إيش اسمه
طبعًا بنعدل TextBox لكل من user name و password
1- بنضغط مرتين على Button مشان نروح على الكود (code)
2- بنكتب كود للتحقق وهو :
C#:
if (username.Text=="shadow" && password.Text=="123")
{
MessageBox.Show("successfully logged in");
}طيب يلا نحسن عالكود شوي
ليش ما نضع شرط في حال كانت كلمة السر أو اسم المستخدم خطأ يظهرله رسالة خطأ وهيك رح يصير الكود بعد هذا التعديل :
C#:
if (username.Text=="shadow" && password.Text=="123")
{
MessageBox.Show("successfully logged in");
}
else
{
MessageBox.Show("wrong username or password");
}طيب يلا نشغل البرنامج
لتشغيل البرنامج في مثلث أخضر فوق ومكتوب بجانبه start بنضغط عليه
وهيك بنختم الجزء الأول وقريبًا إن شاء الله منكمل باقي الأجزاء والمواضيع
التعديل الأخير:
