AnonX
./عضو جديد
السلام عليكم ورحمة الله وبركاته
حبيت اشارك معاكم موضوع كنت كاتبوا ونشره علي منصة ما
وهو خاص بـ كورس CS50 اتمني تستفادوا منه جميعاً
حبيت اشارك معاكم موضوع كنت كاتبوا ونشره علي منصة ما
وهو خاص بـ كورس CS50 اتمني تستفادوا منه جميعاً
لا تنسوا الدعاء لأهل غزة وفلسطين
فضلًا منكم الدعاء لوالدي بالرحمة والمغفرة
دليل كورس CS50X بالعربي
الفهرس
الفهرس | رقم |
|---|---|
1 | |
2 | |
3 | |
4 | |
5 | |
6 |
مقدمة
ملحوظة: الكورس هو مقدمة في أساسيات البرمجة، لكنه ليس شاملًا لكل الأساسيات، فبعد الكورس ستحتاج إلى دراسة أعمق والعمل على نفسك.
هحاول على قد ما أقدر يكون الدليل ده فيه كل حاجة ممكن نستغلها عشان نذاكر الكورس بأفضل طريقة ومن غير توهــان.
عشان تبقوا فاهمين إن الكورس ده له عدة أنواع، بس الدليل ده خاص بـ CS50X.
وهو ده الكورس الأشهر عمومًا.
أول حاجة لو انت جديد وماتعرفش إيه هو الكورس أصلاً، فممكن تشوف الفيديو ده:
ولو حابب نظرة أعمق وتعرف هتدرس إيه في الكورس ده ممكن تتفرج على الفيديو ده:
التسجيل في الكورس
لو الشهادة مش فارقة معاك، تجاهل الجزء ده.
نبدأ بقى ونتكلم في الجد
دلوقتي لو انت داخل الكورس وحابب تذاكر وتستفيد وفي الآخر تاخد الشهادة من جامعة هارفارد، لازم تسجل في الكورس وتقدم الـ Problem Set
اللي بتطلب منك في كل أسبوع.
ولما بتخلص الكورس بيتطلب منك مشروع نهائي، وبعد تقديمه إن شاء الله الجامعة بتديك الشهادة.
تسليم المشاريع
لو الشهادة مش فارقة معاك، تجاهل الجزء ده.
أول حاجة هنعمل حساب على GitHub:
تاني حاجة هنحتاج نسجل في Codespace الخاصة بالكورس عشان نقدر نقدم المطلوب مننا كل أسبوع:
دلوقتي انت قادر تسلم المشاريع وتتفاعل عادي.
ده فيديو فيه شرح لتسليم مشروع الأسبوع 0، واللي طريقة تقديمه مختلفة عن باقي الأسابيع وعموماً هو أسهل مشروع:
باقي المشاريع هتتقدم بطريقة مختلفة زي الفيديو ده من أول الدقيقة 11:58:
استعمال شات جي بي تي ممنوع، ولو مضطر تستعمله لازم توضح له إنه ميحلش ليك البروبليم، وتفهمه إن ده امتحان وممنوع الغش.
تقدر تستخدم الذكاء الاصطناعي بتاع الكورس نفسه في الحل ويوجهك من غير ما يغشك، ادخل عليه من هنا: CS50 AI
مدة التسليم
عموماً مفيش وقت محدد، طول ما الكورس مستمر ومتاح، تقدر تسلم أي مشروع عادي ومن غير ترتيب.
مدة الكورس: الكورس بيكون دائمًا متاح لمدة سنة لحد يوم 1 يناير من السنة الجديدة، بعدها بينزل الإصدار الجديد.
أول سنة بتقدر تكمل بسهولة، ولو نزلت مشاريع جديدة في الإصدار الجديد لازم تحلها عشان تاخد الشهادة.
لكن لو عدت سنتين عليك، هتبقى لازم تقدم المشاريع من الأول عشان تقدر تكمل.
يعني لو كنت بتذاكر الكورس سنة 2024 ودخلت سنة 2025 ومخلصتش واتضافت مشاكل جديدة، هتحتاج تحلها وهتاخد شهادتك.
ولو دخلت سنة 2026، يبقى عديت المدة المتاحة ولازم تبعت المشاريع القديمة وتحل الجديد عشان تاخد شهادتك.
ازاي تذاكر الكورس
مبدئيًا تقدر تذاكر الكورس من:
- EdX
لكن كل ده بالإنجليزي، فإذا معندكش مشكلة فالإنجليزي ذاكر بالإنجليزي أفضل طبعًا.
في العموم، أنا مش برشحلك تذاكر من بلاي ليست اليوتيوب لأن في حاجات تانية هتحتاج تفتح القناة وتجيبها من جوا زي:
Sections وShorts؛ عشان النظام والترتيب أسهل، أنا بحب إذاكر من:
CS50 Website
وعندك كمان
EdX
لكن الموقع بالنسبة لي ثقيل شوية، فاختار اللي يريحك.
هنفتح مثلاً الأسبوع 1 من CS50 Website، هتلاقي شرح ديفيد قدامكم وتحت الفيديو مكتوب:
- Lecture
- Shorts
- Section
- Problem Set 1
خلينا نشرحهم خطوة بخطوة:
Lecture: فيديو شرح ديفيد، ملفات الباوربوينت، الصوتيات وسورس كود الأمثلة اللي اتشرحوا في الحلقة.
Shorts: حلقات صغيرة بتشرح بالتفصيل كل جزئية ديفيد شرحها في الفيديو.
Section: شرح كامل زي محاضرة ديفيد لكن مع شغل عملي أكتر.
لازم تتفرج عليهم لأن ساعات حاجات بتتقال في الـ Shorts (مثلاً ديفيد مش بيقولها) وحاجات بتتقال في الـ Section ومش موجودة في الـ Shorts، فضروري تتفرج على الكل.
Problem Set: هنا هتلاقي البروبلم المطلوب منك تحله وتسلمه.
لازم تحل كل المشاكل الموجودة في كل الأسابيع والمشروع النهائي عشان تاخد الشهادة.
أهمية الكورس في حل المشاكل اللي بتكلفوك بيها، فحاول تحلها بدون غش حتى لو مش غرضك الشهادة، لأنها أساس الكورس.
طيب، ازاي بتسلم الـ Problem Set؟ اقرأ جزء تسليم المشاريع.
عشان محدش يتلغبط: "المشروع - البروبليم سيت - المشاكل" كلهم شيء واحد. أنا بكتب كلمة "مشروع" عشان تنسيق الموقع مع الكتابة بالعربي والإنجليزي في نفس السطر.
لو انت مش مهتم بالشهادة وتسليم المشاريع، شوف الفيديو ده لتثبيت Visual Studio والمكتبة الخاصة بالكورس على جهازك:
ازاي تذاكر الكورس بالعربي
قبل ما نخش على النقطة دي، لازم تفهم إن المحتوى العربي مجرد مساعد جنب المحتوى الأصلي، ومبنصحكش تذاكر من العربي بس. لازم تشوف المحتوى الأساسي للكورس وتشغل الترجمة للعربي على الفيديو، وممكن تتخطى الأجزاء اللي انت فاهمها.
في مهندسين مصريين شرحوا الكورس على قنواتهم على اليوتيوب بالعربي وهم:
كورس غريب الشيخ هو أحدثهم، بدأ في شهر مايو 2024 واكتمل.
تذاكر من مين؟
في العموم، أنصحك تشوف الثلاثة، لكن لو وقتك ضيق فبحسب تجربتي (ورأيي الشخصي مش أكتر)، اقرأ اللي جالك وقرر أيهم يناسبك:
- عاوز تذاكر كويس، تاخد الشهادة، وعندك وقت → هرشحلك عبدالرحمن جمال ورشا عابدين.
- مش عاوز الشهادة، عاوز شرح سريع وسهل يتفهم → هرشحلك عبد الرحمن جمال وغريب الشيخ.
للأسف عبدالرحمن جمال شرح لحد الأسبوع رقم 7، ورشا عابدين لحد الأسبوع رقم 8، فهتكمل باقي الكورس مع بشمهندس غريب إن شاء الله.
بشمهندسة رشا عاملة لبعض المشاكل، فعملت فيديو خاص بيشرح المطلوب لحل المشكلة دي؛ الفيديوهات دي هتساعدك، متنساش تبص عليها، وغريب الشيخ عامل بردو سلسلة فديوهات للحل تقدروا تشوفوهم هيساعدوكم جداً
المذاكرة من الموبايل
عادي جداً تتعلم وتطبق وتحل من الموبايل، لكن عشان أكون صريح معاك، الموضوع هيكون فيه شوية صعوبة خصوصاً إنك هتستعمل كيبورد الموبايل؛ فالموضوع هيبقى متعب أكتر من لو استخدمت لابتوب أو كمبيوتر.
لو هتذاكر من الموبايل وعاوز تاخد الشهادة، هتطبق نفس الكلام اللي فوق ومفيش مشاكل هتواجهك؛ كله هيشتغل معاك، بس زي ما قلتلك الموضوع هيبقى تقيل ويحتاج شوية صبر.
ولو مش عاوز الشهادة، ممكن تستعمل برنامج هيكون أسهل وأخف شوية في التطبيق اسمه:
Replit
تقدر تحمله من جوجل بلاي وتبدأ تطبق عليه مع المذاكرة.
وهنا هتلاقي شرح التطبيق.
