السلام عليكم بسم الله والصلاة والسلام على رسول الله
هاد المقال تمنيت لو أني شفت حدا حاكي متلو من قبل
بإذن الله هاد المقال رح احكي فيه عن كيف بتبدا بالمجال الي حابب تتعلمو (تتعلمو مش تدرسو في فرق كبير بين الكلمتين)
اليوم نحنا بزمن الأغلب بينشر كورسات مش عشان ينشر فائدة للناس بل بتكون ك سلعة تجارية هدفو انو يفرجيك نفسو فاهم بالمجال الي بينشر عليه وبيخدعك بمعلومات قديمة او منتشرة عالانترنت وبيحكيلك مستحيل تلاقي حدا شارح هي الأمور
وحتى الكورسات الاجنبية الي بيكون حقها بالدولار اغلبها ما بتكون بتستاهل المبلغ الي عم يندفع فيها وغير هيك انت فيك توصل لهي المعلومات ببلاش
أي شخص بدء بالمجال بدون مدرب او حدا يشرف عليه بتلاقيه كل فترة بيشوف رود ماب وبيرجع بيعيد الرود ماب الجديدة من الصفر وبيقول انو الرود ماب القديمة كانت فاشلة
وبتلاقيه كل ما اتطلع ع كورس وشاف الكونتنس تبعو قال هي ما مرقت عليي قبل هيك معناها انا متعلم غلط وبيدور بين هالكورسات وهو مو فاهم
بداية إلي بدو يتعلم أي علم لازم يبدا بالاساسيات عشان اذا تطور بهاد العلم وبدو يمكن معلوماتو يكون عندو اساس قوي
متل البرج اذا كان الطابق الأرضي مش قوي ف اكيد ما رح يطلع ويعمروا عليه اكثر من طابق ولهيك الاساسيات هي اهم الامور الي لازم تتعب عليها وتاخد عليها وقت ,بدك تتأسس صح بدك تتعب (النجاح مش سهل شباب لو النجاح سهل كنت شوفت الكل ناجح)
ونحنا العرب يا صديقي ما منحب نتعب يعني بكون تطلعنا فوراً عالنتائج من غير ما نشوف المجهود إلى بذلناه وهاد الأمر غلط لأن حتى رب العالمين سبحانه وتعالى لا يحاسب على النتائج بل يحاسب على السعي والجهد والمحاولة. ف بتلاقي العربي فوراً بيجي بيقلك لازم تقوي نفسك بالبرمجة وهي اهم من كل شي .. الخ
بس هيك اذا انت فتت بدك تتعلم برمجة بدون ما يكون عندك اساس عن كيف بيشتغل الحاسب او عن مكونات الحاسب (Comuter Architecture) مهما تعلمت بالبرمجة ومهما حليت problem solving مستحيل تطلع من القوقعة الي انت داخلها انت حتكون مبرمج ايوا صح بس ما حتكون مطور
لهيك لازم تبدا تأسس حالك صح من الصفر عشان ما تغلط غلطي وغلط كتير ناس 'تعلم من كيس غيرك'
خلينا نتفق انو مرحلة الاساسيات فيها 7 مجالات اذا حابب تكون تنين
لازم تتعلمهم
والعلم بحرٌ واسعٌ كلّ ما شربنا منه لا نرتوي
شي كتير طبيعي تمر على كورس ما تلاقي فيه كل المعلومات الي لازم تنشرحلك لان الي صمم الكورس فرضاً هو قرا كتاب ومن فهمو لهاد الكتاب اجا شرحو يمكن لو انت قريت الكتاب تفهم قصص اكتر من الشخص الي صمم هاد الكورس
فلهيك خلي علمك مستند لمراجع متل الكتب لان هني الاساس
طيب شو هدول ال 7 مجالات الي لازم تتعلمهم
1. المنطق الرقمي (digital logic): لازم تفهم كيف بيشتغل المعالج , الامور الخفية الي قلة بيعرفوها متل البوابات المنطقية والمعادلات البوليانية والجبر البولياني (عم اشتغل ع سلسلة ان شاء الله بس تنتهي رح انشرها هون عالشبكة)
2. مكونات الحاسب (Computer Architecture): لازم تعرف الكمبيوتر كيف بيشتغل تعرف شو الميموري والـInput&Output يعني تدرس مدخل الى علوم الحاسوب
3. البرمجة (programming): دائماً بنلاقي الناس الي على اليوتيوب والسوشال ميديا بتحكيلنا ابدأو ب php او python لانها لغات سهلة والتعامل معها سهل .. الخ
بس الي بدو يتأسس صح عشان يكون فاهم مش حافظ لازم يبلش بلغات middle level يعني متل C, C++, Java هي اللغات اذا تأسست فيها صح صدقني مافي لغة بعدين ح يصعب عليك التعامل معها بعد ما تتأسس بلغة من هدول بالشكل الصحيح اذا حدا قلك روح تعلم اللغة الفلانية صدقني اسبوعين تلاتة بالكتير بتكون متعلمها وهي القصة عن تجربة
لا يضحكوا عليك يقولولك انت بدك تفوت ويب وشو بدك بلغات متل هي اللغات ال Compilation هي اللغات هي الأساس
4. OOP 'Object-Oriented Programming': البرمجة كائنية التوجه هي النقطة التحول بعالم البرمجة هاد النمط خلى البرمجة اسهل واليوم اذا بدك تشوف مشاريع كبيرة ومعقدة مستحيل ما تكون مشغولة بالOOP لانها خففت من الاخطاء
لازم يكون عندكن فهم دقيق للمصطلحات الخاصة بالOOP متل ال encapsulation, inheritance.. etc
5. DSA 'Data Structure and Algorithms': لازم تشوف الخوارزميات والهيكلية البرمجة وتاخد فكرة عنها تتعلم قصص متل العودية والتراجعية والgraph والtrees .. الخ
6. Networking: الشبكات من اهم الامور الي لازم تتعلمها لان بعصرنا الحالي كل شي شغال عالانترنت
لازم تعرف شو يعني بروتوكول وشو يعني بورت
تاخدلك نظرة على الOSI Model تعرف الطبقات الي فيه و شو يعني ip وشو يعني Mac address وتشوف الشبكات الفرعية وكيف منعرف اذا هاد الip لجهاز او لشبكة او بث عام
7. OS 'Operating Systems': لازم تتعامل مع نظام التشغيل متل ما بيتعاملو المحترفين
شغل حركات الهكر عالتيرمنال وهالقصص تعرف شو هو نظام Linux وليش العالم بتستخدمو للهاكينج اكتر من ويندوز تعرف اهم الاوامر الي فيه
لسا في قصص اذا بدك تتجدعن وتأسس حالك بقوة اكتر ما ضروري انك تتعمق فيها بس يعني عالاقل نظرة سطحية متل قواعد المعطيات تعرف شو يعني SQL و تشوف التعليمات متل Select, delete, update
ممكن تعمل نظرة عالاسيمبلي وتشوف كيف بيتم تنفيذ البرامج بالStack
انت هون بتكون حطيت حجر الاساس بمشوارك وطبيعي كتير تاخد معك هالقصص تعلم سنتين او تلاتة
وبعد هي المرحلة فيك تبدا برحلة التعلم الي انت مخخطلا واحلامك الوردية وكوكب زمردة
ووقت توصل لهي المرحلة انت حتعرف كيف تحط roadmap بيناسبك لتوصل لهدفك
اي ونسيت احكيلك تعلم انجليزي لانو اهم شي
وطبعاً اليوم مع تطور الذكاء الاصطناعي صار فيك تسأل Grok او deepseek او ChatGpt عن أفضل المراجع الي ممكن تتعلم منها وتشوف التقييمات من الناس الي حضرت الكورس او قرأت الكتاب
وانا جاهز لأي سؤال دمتم في رعاية الله السلام عليكم ورحمة الله وبركاته
هاد المقال تمنيت لو أني شفت حدا حاكي متلو من قبل
بإذن الله هاد المقال رح احكي فيه عن كيف بتبدا بالمجال الي حابب تتعلمو (تتعلمو مش تدرسو في فرق كبير بين الكلمتين)
اليوم نحنا بزمن الأغلب بينشر كورسات مش عشان ينشر فائدة للناس بل بتكون ك سلعة تجارية هدفو انو يفرجيك نفسو فاهم بالمجال الي بينشر عليه وبيخدعك بمعلومات قديمة او منتشرة عالانترنت وبيحكيلك مستحيل تلاقي حدا شارح هي الأمور
وحتى الكورسات الاجنبية الي بيكون حقها بالدولار اغلبها ما بتكون بتستاهل المبلغ الي عم يندفع فيها وغير هيك انت فيك توصل لهي المعلومات ببلاش
أي شخص بدء بالمجال بدون مدرب او حدا يشرف عليه بتلاقيه كل فترة بيشوف رود ماب وبيرجع بيعيد الرود ماب الجديدة من الصفر وبيقول انو الرود ماب القديمة كانت فاشلة
وبتلاقيه كل ما اتطلع ع كورس وشاف الكونتنس تبعو قال هي ما مرقت عليي قبل هيك معناها انا متعلم غلط وبيدور بين هالكورسات وهو مو فاهم
بداية إلي بدو يتعلم أي علم لازم يبدا بالاساسيات عشان اذا تطور بهاد العلم وبدو يمكن معلوماتو يكون عندو اساس قوي
متل البرج اذا كان الطابق الأرضي مش قوي ف اكيد ما رح يطلع ويعمروا عليه اكثر من طابق ولهيك الاساسيات هي اهم الامور الي لازم تتعب عليها وتاخد عليها وقت ,بدك تتأسس صح بدك تتعب (النجاح مش سهل شباب لو النجاح سهل كنت شوفت الكل ناجح)
ونحنا العرب يا صديقي ما منحب نتعب يعني بكون تطلعنا فوراً عالنتائج من غير ما نشوف المجهود إلى بذلناه وهاد الأمر غلط لأن حتى رب العالمين سبحانه وتعالى لا يحاسب على النتائج بل يحاسب على السعي والجهد والمحاولة. ف بتلاقي العربي فوراً بيجي بيقلك لازم تقوي نفسك بالبرمجة وهي اهم من كل شي .. الخ
بس هيك اذا انت فتت بدك تتعلم برمجة بدون ما يكون عندك اساس عن كيف بيشتغل الحاسب او عن مكونات الحاسب (Comuter Architecture) مهما تعلمت بالبرمجة ومهما حليت problem solving مستحيل تطلع من القوقعة الي انت داخلها انت حتكون مبرمج ايوا صح بس ما حتكون مطور
لهيك لازم تبدا تأسس حالك صح من الصفر عشان ما تغلط غلطي وغلط كتير ناس 'تعلم من كيس غيرك'
خلينا نتفق انو مرحلة الاساسيات فيها 7 مجالات اذا حابب تكون تنين
لازم تتعلمهموالعلم بحرٌ واسعٌ كلّ ما شربنا منه لا نرتوي
شي كتير طبيعي تمر على كورس ما تلاقي فيه كل المعلومات الي لازم تنشرحلك لان الي صمم الكورس فرضاً هو قرا كتاب ومن فهمو لهاد الكتاب اجا شرحو يمكن لو انت قريت الكتاب تفهم قصص اكتر من الشخص الي صمم هاد الكورس
فلهيك خلي علمك مستند لمراجع متل الكتب لان هني الاساس
طيب شو هدول ال 7 مجالات الي لازم تتعلمهم
1. المنطق الرقمي (digital logic): لازم تفهم كيف بيشتغل المعالج , الامور الخفية الي قلة بيعرفوها متل البوابات المنطقية والمعادلات البوليانية والجبر البولياني (عم اشتغل ع سلسلة ان شاء الله بس تنتهي رح انشرها هون عالشبكة)
2. مكونات الحاسب (Computer Architecture): لازم تعرف الكمبيوتر كيف بيشتغل تعرف شو الميموري والـInput&Output يعني تدرس مدخل الى علوم الحاسوب
3. البرمجة (programming): دائماً بنلاقي الناس الي على اليوتيوب والسوشال ميديا بتحكيلنا ابدأو ب php او python لانها لغات سهلة والتعامل معها سهل .. الخ
بس الي بدو يتأسس صح عشان يكون فاهم مش حافظ لازم يبلش بلغات middle level يعني متل C, C++, Java هي اللغات اذا تأسست فيها صح صدقني مافي لغة بعدين ح يصعب عليك التعامل معها بعد ما تتأسس بلغة من هدول بالشكل الصحيح اذا حدا قلك روح تعلم اللغة الفلانية صدقني اسبوعين تلاتة بالكتير بتكون متعلمها وهي القصة عن تجربة
لا يضحكوا عليك يقولولك انت بدك تفوت ويب وشو بدك بلغات متل هي اللغات ال Compilation هي اللغات هي الأساس
4. OOP 'Object-Oriented Programming': البرمجة كائنية التوجه هي النقطة التحول بعالم البرمجة هاد النمط خلى البرمجة اسهل واليوم اذا بدك تشوف مشاريع كبيرة ومعقدة مستحيل ما تكون مشغولة بالOOP لانها خففت من الاخطاء
لازم يكون عندكن فهم دقيق للمصطلحات الخاصة بالOOP متل ال encapsulation, inheritance.. etc
5. DSA 'Data Structure and Algorithms': لازم تشوف الخوارزميات والهيكلية البرمجة وتاخد فكرة عنها تتعلم قصص متل العودية والتراجعية والgraph والtrees .. الخ
6. Networking: الشبكات من اهم الامور الي لازم تتعلمها لان بعصرنا الحالي كل شي شغال عالانترنت
لازم تعرف شو يعني بروتوكول وشو يعني بورت
تاخدلك نظرة على الOSI Model تعرف الطبقات الي فيه و شو يعني ip وشو يعني Mac address وتشوف الشبكات الفرعية وكيف منعرف اذا هاد الip لجهاز او لشبكة او بث عام
7. OS 'Operating Systems': لازم تتعامل مع نظام التشغيل متل ما بيتعاملو المحترفين
شغل حركات الهكر عالتيرمنال وهالقصص تعرف شو هو نظام Linux وليش العالم بتستخدمو للهاكينج اكتر من ويندوز تعرف اهم الاوامر الي فيه
لسا في قصص اذا بدك تتجدعن وتأسس حالك بقوة اكتر ما ضروري انك تتعمق فيها بس يعني عالاقل نظرة سطحية متل قواعد المعطيات تعرف شو يعني SQL و تشوف التعليمات متل Select, delete, update
ممكن تعمل نظرة عالاسيمبلي وتشوف كيف بيتم تنفيذ البرامج بالStack
انت هون بتكون حطيت حجر الاساس بمشوارك وطبيعي كتير تاخد معك هالقصص تعلم سنتين او تلاتة
وبعد هي المرحلة فيك تبدا برحلة التعلم الي انت مخخطلا واحلامك الوردية وكوكب زمردة
ووقت توصل لهي المرحلة انت حتعرف كيف تحط roadmap بيناسبك لتوصل لهدفك
اي ونسيت احكيلك تعلم انجليزي لانو اهم شي
وطبعاً اليوم مع تطور الذكاء الاصطناعي صار فيك تسأل Grok او deepseek او ChatGpt عن أفضل المراجع الي ممكن تتعلم منها وتشوف التقييمات من الناس الي حضرت الكورس او قرأت الكتاب
وانا جاهز لأي سؤال دمتم في رعاية الله السلام عليكم ورحمة الله وبركاته
