السلام عليكم ورحمة الله وبركاته ...
بدايةً بعتذر عن الانقطاع الطويل في طرح المواضيع ورح أرجع أكمل ما بدأته إن شاء الله تعالى ...قبل فترة شرحت الجزء الأوَّل من موضوع الـ Subnetting بإمكانكم تشوفوا الشرح من خلال هذا الرابط شرح الـ Subnetting الجزء الأوّل ورح أستكمل الموضوع من المكان اللي وقفت عنده وهو بحالة الـ ClassLess Networks.
الـ ClassLess Networks :
بدنا نشوف بحالة ال ClassLess كيف بنحسب ال Subnet Mask ... من اسمه فهو واضح أنه ما بكون مقسم لفئات أو كلاسات زي اللي درسناه قبل بحالة الClassFul وكنا نحدد كل كلاس شو الماسك الخاص بها حسب الكلاس اللي بتنتمي اله واتفقنا أنه ال Prefix بيجي واحد من التالي : ( 24 = C ) ( 16 = B ) ( 8 = A ) وإذا كان مو واحد منهم فمباشرة بنعرف أنه ClassLess. 
الخطوات حتى نكتب ال Subnet Mask بحالة الـ ClassLess لما يكون معطيني ال prefix ومطلوب أن أكتب الماسك كعنوان :| 1 - اتفقنا أنه الـ prefix عبارة عن عدد الـ Bits بجزئية ID Net ، فباخد الـ prefix هذا وبكسره على شكل مجموع من الرقم ٨ والرقم الزائد الذي لا يساوي 8 بضيفه مثل ماهو للمجموع، والآن بالمثال بنفهم كيف. 2- من الجدول الموجود بالصورة بالأسفل بختار الرقم المقابل للعدد الزائد اللي طلع معي بعد ما كسرته على شكل مجموع من الرقم 8. 3- مكان كل 8 بالمجموع أضع الرقم 255 ومكان الرقم الذي لا يساوي 8 وهو ( الرقم الزائد ) أضع الرقم المقابل له من الجدول ، ومكان كل صفر أضع صفر️. |
يجب أن يكون المجموع مكون من 4 أرقام لأنه كل رقم فيهم يمثل خانه معينه (بايت) بعنوان الـ IP اللي اتفقنا أنه عبارة عن 4 أجزاء️ ( 4 بايت)\ الـ prefix مستحيل يكون أكثر من 32 لأنه أقصى عدد للـ Bits بعنوان الأي بي يساوي 32 = 8+8+8+8 =IP ️الجدول :
مثال :
طيب خلينا نشوف باقي المعلومات اللي بنقدر نطلعها عن النتورك من خلال هالماسك ، زي ما شفنا بحالة الـ ClassFul لما حطيت الكم جدول فيه المعلومات اللي بنقدر نعرفها باستخدام الماسك ، مثال أول عنوان وآخر عنوان وعدد الأجهزة بالشبكة، نشوف المثال اللي بالصورة التالية :أول معلومة هي عنوان الشبكة وعنوان الـ broadcast --> حكينا دايماً بكون عبارة عن أول عنوان بالشبكة وعرفناه بحالة الـ ClassFull كان يأخد الرقم 0 والـ broadcast كان آخر عنوان ، بس بحالة الـ ClassLess هيك بنوجده :
التَّوضيح، المطلوب أن نُوجد عنوان الشبكة وعنوان البرودكاست للعنوان التالي:
عدد العناوين الكلي = Total number of hosts هو 16,وبحسبه مع عنوان ال network and broadcast; قبل ما أستثنيهم.عدد العناوين المستخدمه = Number of usable hosts هو 14، وهذا عبارة عن عدد العناوين اللي بقدر أعطيها للأجهزة على الشبكة ف بنطرح من ال 16 الرقم 2 لأنه حجزنا عنوانين للـ broadcast and network والباقي شرحته بالمثال السابق.وهيك الحمدُلله بكون أنهيت شرح موضوع الـ SubNet Mask إن شاء الله يكون واضح.
التعديل الأخير بواسطة المشرف:
، مبروك الرجعة
