بسم الله الرحمن الرحيم
بدايةً لازم تعرف إنه فهمك لموضوع الـ Subnetting شيء أساسي بعالم الشبكات ، لهيك رح أشرحه بموضوع مُنفصل والموضوع إن شاء الله رح يكون سهل ولطيف تابعوا الشرح.
مُلخص سريع لعملية الـ Networ Address Traslation (NAT) :بعالم الشبكات في عنا مُصطلح العنوان الداخلي Private IP و العنوان الخارجي Public IP , وهذا بفهمنا كيف كل أجهزة الشبكة الواحدة ، بتطلع بنفس العنوان الخارجي بعملّية تسمى بالـ NAT وللي حاب يستزيد فهذا الفيديو مشروح فيه العملية:
وحتى توضح إلكم الفكرة أكثر, شوفوا المثال بالصورة بالأعلى ، مثل ماهو واضح عنا إنه فيه شبكتين Y , X وكل وحدة فيهم هي عبارة عن شبكة داخلية لوحدها LAN مختلفة عن الشبكة الأخرى ، يعني ببساطة شايفين الأجهزه بالشبكة X كيف ماخدين عناوين داخليه خاصة فيهم داخل الشبكة الواحدة, لكن بيطلعوا للإنترنت بالعنوان الخارجي فقط المحجوز مع الراوتر 46.5.50.11 = M ونفس الشي الشبكة Y ، والأجهزة الداخلية بالشبكة X بتتعامل بين بعضها البعض بالعنوان الداخلي ومستحيل أجهزة الشبكة Y تقدر تشوف العنوان الداخلي لأي جهاز من أجهزة الشبكة X وإنما بتتعامل معها بالعنوان الخارجي اللي بالواجهة 46.5.50.11 , وهذا باختصار ملخص سريع لعملية الـ NAT ، يعني باختصار الشبكتين X , Y لما بدهم يتواصلوا مع بعض (يعني جهاز من الشبكة X بده يرسل رسالة لجهاز موجود داخل الشبكة Y ) بيتواصلوا باستخدام عنوان الـ Public IP ( يعني بيحط الـ 46.5.50.11 = Destination IP ) وبرسل الرساله على هذا العنوان، لكن في حال جهاز من الشبكة X بده يرسل لجهاز آخر موجود معاه ضمن نفس الشبكة X , فبتعامل معه من خلال العنوان الداخلي الخاص بالجهاز الهدف.
النقطة التالية لنفس المثال السابق، لو ملاحظين عنا إنه أجهزة الشبكة X عناوينها الداخلية مُتشابهة وأول رقم فيها اللي هو 14 ولازم يكون ثابت.
14.0.0.0
14.0.0.1
14.0.0.2
14.0.0.3
14.0.0.4
رح يتكون عندك تساؤل وهو ليش فقط بس ثبتنا الرقم 14 بالعنوان وهو أول بايت ( octet ) وما غيرناه ، الجواب ببساطة عشان ، تبقى الأجهزه بنفس الشبكة ؛ يعني مش اتفقنا إنهم كلهم موجودين بالشبكة الداخلية ( LAN ) نفسها؟ إذًا لازم أوزع عليهم عنوان خاص بنفس الشبكة وعنا بالمثال فوق لو بدل الـ 14.0.0.1 =IP عطيناه عنوان = 15.0.0.1 مارح تتمكن باقي الأجهزة بالشبكة إنها تشوفه !! لأنه عنوانه خارج نطاق عناوين الشبكة يعني مش ماخد من نفس نطاق عناوينها ، وهكذا أجهزة الشبكات بتميز بعضها البعض إذا كانوا متصلين ضمن نفس الشبكة أم لا باستخدام عنوان الـ IP لكل جهاز ، فالأجهزه ما عندها نظر حتى تميز لو الجهاز موجود معها بنفس المكان وشابك على نفس السويتش, لكن هي فقط بتميزه لو كان معها بنفس الشبكة أو لأ من عنوانه الداخلي ولا ننسى إنها بتحوله لباينري أولًا حتى تقدر تتعامل معه ، فلو كان من نفس عناوين شبكتهم فتمام لو لأ بعتبروه خارج الشبكة.
تبسيط الفكرة بمثال واقعي:تخيلها نفس اسمك ، مثال أنت وإخوانك الاسم الأول فقط بختلف والباقي نفسه لأنكم من نفس العائلة والناس لما تشوف إنه اسمكم الباقي نفسه ماعدا الاسم الأول فورًا بتعرف إنكم من نفس العائلة ، فالأجهزة بالشبكة نفس الشيء.
نبدأ الشرح الفعلي بالموضوع التالي …
الـ ClassFul Networks :قبل ما أبدأ بشرح الصور نتفق على مصطلحات :
ID Network: هو الجزء اللي لو غيرت أي بايت فيه بتتغير الشبكة كامله( نفس فكرة اسمك بالعائلة ، مش قلنا إنه اسمك الرباعي مُقسم لأربعة أجزاء ، أول جزء هو اسمك الأول( مثال بيان او سارة أو أو … )، وبالأسرة الواحدة بتختلفوا بالاسم الأول بين بعض بس باقي الثلاثة أجزاء اللي هي اسم االب والجد والعائلة بتكون ثابته لنفس الأسرة فهذا مثل ما ذكرنا من قبل إنه تقريبا نفس فكرة اسم الشبكة.
Host ID: هو الجزء اللي لو غيرت أي بايت فيه ( أي رقم ) بضل الجهاز ضمن نفس الشبكة ، ( نفس فكرة اسمك الأول ), لكن مصطلح host لحاله بدون ID بتعني جهاز الحاسوب الموجود بالشبكة.
طيب نرجع لشرح الصور اللي بالأعلى … إذا ملاحظين كيف قسموا عنوان الـ IP لعدة أصناف أو فئات, ويُطبف على كل فئه مُصطلح Class وكل Class منهم محددلك جزئية النتورك اللي لازم تثبتها لكل عناوين الأجهزة بالشبكة الواحدة, فلما تثبتها وتغير فقط بجزئية الـ Host ID بتقدر تاخد عنوان بنفس الشبكة الداخلية وتتعرف عليك باقي أجهزة الشبكة إنك معهم ، فهكذا صرت عارف ايش لازم تثبت وايش لازم تغيّر لو بدك توزع العنوان على شبكات غير أو تغير الشبكة اللي أنت فيها ( الموضوع بحاجة تركيز ومراجعة ) وإن شاء الله بصير أوضح, لكن المهم نعرف إنه لما نثبت جزء الـ Network ID اللي باللون الأحمر بالصورة فمعناها احنا ضامنين إننا ضمن نفس الشبكة وبنقدر فقط نغيّر بالـ Host ID حتى ما نصير خارج نطاق عناوين الشبكة ونبقى ضمن نفس الشبكة .
أكيد تكوّن عندك تساؤُل الآن وهو كيف أعرف أنا بأي صنف ( Class ) موجود؟ ببساطة الجواب موجود بالصورة التالية:تم توزيع رينج عناوين الـ IP على كل صنف (على كل class ) ، ووضحولك بكل واحد منهم شو الجزء الخاص بتغير الشبكة حتى تقدر تتعامل معهم ، مثال من الصورة السابقة:
أي عنوان أول بايت ( octet ) فيه يبدأ بالرقم من 0 لـ 127 فأنت بأول كلاس وهي A.اللون الأحمر = Network ID ، برمز للجزء الخاص بنطاق الشبكة.
اللون الأخضر = Host ID
وملاحظين أول بايت فيها هو فقط الخاص بالنتوورك ، يعني لو غيرته بتصير خارج الشبكة , بتغير الشبكة وبتصير بشبكة أخرى ، مثال للتوضيح :- :question:هل العنوان 10.0.0.4 والعنوان 10.45.70.6 بنفس الشبكة ؟ الجواب: نعم لأنه من كلاس A ، أول بايت فيه خاص بالشبكة وهو الرقم 10 ولم يتغير
- :question:هل العنوان 192.168.0.5 والعنوان 192.168.5.6 بنفس الشبكة ؟ الجواب: لا ، لأن العنوان هذا Class C
وC Class بتحكيلك إنه أول ٣ بايت خاصات بالنتوورك فلو غيرت أي وحده منهم بتغير الشبكة كلها ، ولو نلاحظ إنه البايت رقم ٣ تغير من 0 لـ 5 يعني صار بشبكة أخرى
من هنا جاءت فكرة الـ Mask :بقدر Hحدد جزء الـ Network ID and Host ID ، فجزء النتوورك بكتب مكانه 255 وجزء الهوست بكتب مكانه 0 , وبناءًا على الـ Subnet Mask بحدد تفاصيل أٌخرى, مثل عدد الأجهزة اللي ممكن استخدمها بالشبكة وغيرها ( رح أوضح هذه التفاصيل بجدول ، لاحقًا ).
كيفيّة التعبير عن الـ Subnet Mask ؟- الطريقة الأولى: أقوم باستبدال جزء الـ Network ID بالرقم 255 ، واستبدل جزء الـ Host ID بالرقم 0.
- الطريقة الأخرى: من خلال الـ Prefix , وهو عبارة عن إشارة (/) توضع آخر العنوان ويوضع بعدها عدد الـ Bits الخاصّة بجزء الـ Network ID.
والجدول التالي مُلخص لكل اللي شرحناه بخصوص الـ Subnet Mask والمعلومات اللي ممكن أعرفها من خلاله ( الجدول اللي قلت رح ادرجه لاحقًا ).
الـ Bit للـ NetID اتفقنا عليها هي والـ Host ، مثلًا كلاس A , الـ Network ID يساوي 1 Byte وحكينا البايت عبارة عن 8 bits ، بينما ال Host ID بكلاس A قلنا يساوي 3 Bytes وبما إنه كل بايت عبارة عن 8 bits, ف ٣ بايت = bit…24, وهكذا لباقي الشبكات. نتعرف على مصطلح جديد وهو الـ Network Address: مهم تعرفوا إنه كل شبكة بالدنيا فيه الها عنوان يَدُل عليها وهو عبارة عن أول عنوان محجوز بالشبكة ، مثال 192.168.7.0 هذا أول عنوان فيها , فهذا هو عنوان الشبكة يعني يَدٌل على الشبكة كاملة بكل أجهزتها , ورح تظهر معنا فايدته لما تحديدًا نعمل Scan على النتوورك ,فبدل ما تصير تشير على عنوان عنوان وتعمل على كل واحد منهم Scan لوحده ، بإمكانك تشير على الشبكة كاملة بكل أجهزتها من خلال عنوانها Network Address.لاحظوا بالصورة اللي بالأعلى كيف الـ DHCP لما أعطى عناوين للأجهزة ، بدأ من الرقم 1 وأعطاه للراوتر 192.168.1.1 ولم يبدأ من الصفر بل استثناه, لأنه محجوز بشكل تلقائي كعنوان للشبكة كاملة 192.168.1.0
دايمًا آخر عنوان بالشبكة بنستخدمه للـ Broadcast ايش يعني ؟ المصطلح هذا يعني أن لما يكون فيه جهاز يريد إرسال رسالة لكافة الأجهزة الموجودة على الشبكة ، فبدل أن يرسل لجهاز جهاز ، يستخدم العنوان هذا ليرسل للكل وهو اتفقنا إنه آخر عنوان بالشبكة, مثال : بالمثال بالصورة اللي بالأعلى عنوان الـ برودكاست فيها هو 192.168.1.255 ، ملاحظين إنه أول وآخر عنوان بالشبكة تم حجزهم. ولو نلاحظ عدد العناوين اللي ممكن أعطيها للأجهزة في الشبكة من الكلاس A كبير جدًا! , والكلاس B أقل والكلاس C أقلهم , لذلك رح تلاحظ بأغلب المنازل الأجهزه ماخده عناوين داخلية من ضمن الكلاس C اللي بتسمحلك بعدد أقل من الباقي وهو 256 مُلاحظة : كلاس E, D لهم استخدامات أُخرى فبنستثنيهم
فمن هنا جاءت فكرة ال Subnetting , وهي ببساطة إني بقوم بتكسير أو تقسيم الشبكات هذه لأجزاء أصغر, لكن هذا فائدته بتظهر على مستوى العناوين الخارجية الـ Public IP, والسبب لأن عددها محدود وممنوع تتكرر بأي مكان بالعالم ، لكن بالنسبة للعناوين الداخليه فممكن تعملها تقسيم أيضًا ؛ يعني بدل ماعندك كلاس C بقدملك ٢٥٦ عنوان وأنت فقط محتاج ٥٠ فبتاخد العنوان هذا وبتقسمه لأجزاء حسب حاجتك, وهنا بصير عنا اله Subnet Mask جديد لأنه ما بكون نفس الأصلي اللي للكلاسات A , B ,C ف بنطلق عليهم اسمClassless Networks …
وهيك عرفتوا كيف بنكتب الـ Mask بحالة الـ Classful Networks ، والمرة القادمة إن شاء رح أكمل الشرح عن حالة الـ ClassLess Networks ؛ وهذا لازم تكونوا فاهمينه كمعلومة عامة عشان ما تتلخبطوا ، ومهم جدًا تعرفوا شو الـ Classes وشو الـ Subnet Mask وكيف نحسبه ونكتبه بكل الحالات
الجزء الثاني …
التعديل الأخير بواسطة المشرف:
