السلام عليكم ورحمة الله وبركاته
لازم تأمن حسابك الفيسبوك حالا
بسم الله الرحمن الرحيم نبدأ : لازم تأمن حسابك الفيسبوك حالا لماذا عليك تأمن حساباتك عموما … وليه الفيسبوك خصوصا ؟
- يجب تأمن حساباتك :
اللي متعرفوش ان اصلا المخترق لازم يجمع عنك معلومات الاول قبل تحديد نوع الهجوم و الطريقة … فكل متكون انت ناشر علي حساباتك معلومات اكتر كل مهيقدر يجمع عنك اكتر ويكون هجومه مركز اكتر واللي بيزيد نسبة نجاح الهجوم .
للاسف في حالة نجاح الهجوم بتكون كل معلوماتك دي مع الشخص الخطأ وبيستغلها اسوأ استغلال يضر بيك وللأسف لو كما اشرنا كانت حياتك علي الحساب ده فبتكون الخسارة كبيرة جدا اكبر مما تتخيل .
- الفيسبوك خصوصا :
وللأسف الشديد انه نفس نوع الهجوم وبنفس تسلسل الخطوات :
١. بتبدأ انه بيغير الحساب المربوط بيه الفيسبوك سواء جي-ميل او هوتميل او ايا كان .
٢. بعد كده بيغير الرقم السري تبع الفيسبوك .
٣. اخيرا وليس اخرا انه بيفعل نظام المصادقة الثنائية ( 2FA ) .
فبالتالي بيكون سيطر علي الحساب سيطرة تامه و مبتقدرش انك ترجع حسابك
- طيب ايه اللي بيخلي ده يحصل من الاساس :
اسباب كتير منها ؛
٢. ان اول مبتجيلك رسالة انه ايميلك علي الفيسبوك ورقم السري اتغيروا مبتخدش الاجراء في وقتها ؛ في حالة كان الانترنت مقطوع وقت استلام الرسالة وفي حالة تانية كان الحساب المربوط بالفيسبوك ضايع من المستخدم .
٣. وطبعا بيكون تامينك لحسابك ضعيف جدا ذي انك مش مفعل ال ( 2FA ) .
٤. ان في وقت سابق كان ممكن تتواصل مع الدعم الفني اللي بياخد منك معلومات وصور عن حسابك حتي يتأكد انه انت فعلا صاحب الحساب الاصلي وبيرجعلك لكن حاليا للاسف ده مش موجود وبس اكتفوا انه في خطوات لا جدوى منها لاسترجاع حسابك المسروق .
نتحرك لاهم شي في المنشور : وهي الخطوات الاساسية اللي تقدر تامن بيها حسابك ولازم تكون منفزها
خطوات الحماية الأساسية
١. التاكد ان حسابك مربوط بايميل او رقم او ايا كانت الوسيلة … وانه بمقدورك الوصول للوسيلة ودي واستلام منها الاشعارات بشكل سليم في الوقت السليم .٢. ان اليوزر و الباسوورد مش بس مجرد ارقام سهل تخمينهم او حتى كلمات سر ضعيفة سهل تخمينها .
٣. تفعيل اي وسيلة ممكنه علي الحساب لاستخدام ال ( 2FA ) والتاكد من عملها بشكل صحيح .
٤. التأكد من عدم وجود داتا شخصية او معلومات خطيرة عنك .
٥. التأكد من الصاليحات والأذونات والمعلومات اللي يقدر الحساب يحصلها منك .
٦. دايما عندك نسخة احتياطية من الملفات او الداتا المهمة عندك علي الحساب تقدر تسترجعها اذا كان في اي مشكلة .
٧. التأكد من صعوبة خطوات اعادة ضبط كلمة مرورك وانك الوحيد القادر علي ذلك.
٩. بقدر الامكان تغير كلمة المرور كل فترة من الزمن تتراوح اقل شي ٣ شهور .
١٠. عدم تسجيل الدخول من اجهزة عامة او غير موثوقة وفي حالة تسجيل الدخول من اي جهاز غير اجهزتك الشخصبة لازم تسجيل خروجك عند الانتهاء والتأكد ان تسجيل خروجك تم بنجاح من هذا الجهاز .
ودي كانت اهم عشر تعليمات لتامين حساباتك لازم عليك تنفيزهم … واخيرا في حالة عدم اتباعك الخطوات الاساسية دي فلا تلوم الا نفسك في حالة تعرضك للاختراق خصوصا وان الهجوم اصبح بشكل واسع ويستهدف اي شخص علي الانترنت .
دمتم سالمين
التعديل الأخير بواسطة المشرف:
